【波哥時事台】
我明白金融議題，對普羅大眾黎講會比較深，
但我都希望利用FB呢個平台，
慢慢同大家講解下，因為有金融知識，
投資、賺錢就事半功倍。
最近我喺立法會既財經事務委員會，
問政府當局「放寬金融監管」既問題。
點解呢？
因為美國候任總統特朗普，阿Trump，
競選時大大聲講，會放寬金融監管規定，
佢「順利」當選之後，市場就憧憬美國當局真係會放寬金融監管，
銀行做生意自由度增加，借錢俾人無咁多限制，做多啲生意，
美國股市，特別係金融類股，就因為咁升到「爸爸聲」。
所以我就問金管局陳德霖，香港會唔會跟住美國齊齊放寬監管，等銀行唔會有客黎開戶口都唔敢開，有生意都唔做呢？
政府話，美國情況同香港唔同，
香港要跟「國際標準」做。
我就唔明喇，2008年金融風暴，
個個都跟住美國呢個「龍頭大佬」加強金融監管，
依家佢地有可能放寬監管，政府轉個頭就話跟「國際標準」？
依家全世界都知，香港的金融業係過份監管，令有關既銀行股價奄奄一息⋯⋯
我要求金管局唔好高高在上，同業界有對等溝通，聆聽業界心聲。
調番轉頭，依家好多市民都投訴，批評銀行唔夠ATM，舊區和相對窮既地區無分行，金管局都應該快啲同銀行傾傾，急市民所急！
#應該唔難明 #立法會事務 #業界議題同民生議題其實密不可分 #都關你事 #波哥時事台
Search